வயிறு பிரச்சனைகளுக்கு சுகம் தரும் சுக்கு குழம்பு!!

தேவையான பொருட்கள்: 

சுக்கு - ஒரு சிறிய துண்டு 
மிளகு - 2 டீஸ்பூன் 
வெந்தயம் - ஒரு டீஸ்பூன் 
கடுகு, உளுந்தம்பருப்பு - தலா அரை டீஸ்பூன் 
புளி - பெரிய நெல்லிக்காய் அளவு 
சின்ன வெங்காயம் - 200 கிராம் 
தக்காளி - 2 
மஞ்சள் தூள் - கால் டீஸ்பூன் 
கறிவேப்பிலை - சிறிதளவு 
மிளகாய்த்தூள் - அரை டீஸ்பூன் 
எண்ணெய், உப்பு - தேவையான அளவு

செய்முறை: 

* புளியை நன்றாக கரைத்து கொள்ளவும். தக்காளி, சின்ன வெங்காயத்தை பொடியாக நறுக்கி கொள்ளவும்.

* சுக்கு, மிளகு, வெந்தயத்தை எண்ணெய் விடாமல் தனித்தனியே வறுத்து, ஒன்றாக சேர்த்து மிக்ஸியில் பொடித்துக் கொள்ளவும். கடாயில் எண்ணெய் விட்டு, காய்ந்ததும் கடுகு, உளுந்தம்பருப்பு, கறிவேப்பிலை போட்டு தாளித்த பின், சின்ன வெங்காயம் சேர்த்து வதக்கவும். 

* சின்ன வெங்காயம் சிறிது வதங்கியதும் இதில் நறுக்கிய தக்காளியைப் போட்டு வதக்கவும். தக்காளி நன்றாக வதங்கியதும் அதில் புளிக்கரைசல் விட்டு உப்பு, மஞ்சள்தூள், மிளகாய்த்தூள் சேர்த்து கொதிக்க விடவும். 

* குழம்பு திக்கான பதம் வந்து எண்ணெய் பிரிந்து வரும்போது பொடித்த சுக்கு கலவையைச் சேர்த்து, ஒரு கொதி வந்ததும்  இறக்கவும். சுவையானன சுக்கு குழம்பு தயார்.